Полиција ги исфрлала играчите на Баерн од соблекувалната на судијата!

Тројца фудбалери на Баерн Минхен после поразот од Реал Мадрид во реваншот од четвртфиналето во ЛШ ја посетиле соблекувалната на судијата.

Шпанските медиуми наведуваат дека Тиаго Алкантара, Артуро Видал и Роберт Левандовски сакале лично да го искажат незадоволството од поедини одлуки на судиите, на челото со унгарскиот арбитар Виктор Касаи.

„Спорт“ пренесува дека на „Сантиаго Бернабеу“ морала да интервенира полицијата со цел да ги исбрка лутите играчи на Баерн од просториите наменети за судиите.

Видал во 84-та минута доби дискутабилен втор жолт картон, а Баварците сметаат и дека двата гола на Реал се постигнати од чиста офсајд ситуација.