Интер за отказот на Спалети ќе треба да му плати вистинско богатство

Често пати промената на тренерската клупа клубовите скапо ја плаќаат.

Изгледа дека на големите клубови не им е тешко да исплатат огромни суми откако ќе им дадат отказ на своите тренери.

Интер е еден од нив. „Нероаѕурите“ ќе го отпушатат Спалети иако тој им обезбеди настап во Лигата на шампионите, нешто што беше цел пред почетокот на сезоната. Интер ќе го отушти Спалети, но ќе мора неговиот договор да го исплати до последен цент.

Италијанските медиуми откриваат дека Спалети од отказот во Интер ќе заработи 25 милиони евра.

Конте исто така нема да биде малку платен, а денес се појави и вест за тоа кога тој ќе биде официјално претставен и промовиран за тренер на Интер.

Според информациите Интер во среда официјално ќе објави дека Конте ќе биде новиот тренер, а веќе во четврток ќе следи негово претставување пред медиумите.

Најавите се дека Конте во Интер ќе заработува 12 милиони евра по сезона

Ќе биде интересно да се види како Конте ќе се снајде во Интер откако претходно во Италија имаше голем успех како тренер на Јувентус кој е најголем ривал на „нероаѕуирите“.