Нема милост ни према легендата: Бекам остана без возачка дозвола!

Дејвид Бекам остана без возачка дозвола на шест месеци откако беше фатен како зборува на мобилен телефон во возење.

Бекам прекршокот го направил во ноември минатата година, а казната од 6 месеци без возачка дозвола почнува да тече од денес.

Поранешниот капитен на англиската репрезентација претходно се изјасни како виновен дека користел мобилен телефон додека го возел своето „бентли“ во централен Лондон на 21 ноември минатата година.

Тој беше фотографиран од случаен минувач како држи мобилен во рака додека се движи низ бавен сообраќај.

Освен забраната за возење, Бекс е казнет и парично, од 750 фунти, плус 175 фунти судски трошоци.

„Наместо да гледа право и да внимава на патот, тој гледаше во својот телефон“, изјави обвинителот Метју Спрат.