Еднолично мадридско дерби: По еден гол и без победник

Големото шпанско фудбалско дерби меѓу мадридските ривали Реал и Атлетико заврши без победник.

Средбата од 31.коло на шпанската Примера, одиграна попладнево на „Сантијаго Бернабе“ во Мадрид во која Реал беше домаќин на Атлетико заврши со резултат 1-1.

Домаќините поведоа со голот на Пепе во 52.минута, а Атлетико израмни преку Антоан Гризман на пет минути пред крајот (85).

Овој исход најмногу и одговара на Барселона која вечерва гостува кај Малага па со евентуален триумф каталонскиот клуб би се израмнил со „лутиот„ ривал Реал на првото место на табелата.

Инаку, и првиот денешен меч меѓу Еспањол и Алавез заврши со резултат 1-1. Покрај средбата Малага – Барселона, вечерва ќе играат Севиља и Депортиво Ла Коруња.

Двојките за утре се: Гранада – Валенсија, Селта Виго – Еибар, Осасуна – Леганес и Лас Палмас – Бетис.

Последниот меч од оваа рунда во Примера е во понеделник кога ќе играат Сосиедад – Спортинг Хихон.

Табела: Реал Мадрид 72 бодови (-1 натпревар помалку), Барселона 69, Атлетико Мадрид 62, Севиља 58, Виљареал 54, Атлетик Билбао 50, Сосиедад 49