Милан загуби од Лацио во полуфиналето на Купот и се наоѓа во лоша форма, па прашање е дали до крајот ќе успее да ја задржи четвртата позиција која води во Лигата на шампиони.
Италијанските медиуми пишуваат дека Гатузо целосно потфрлил на тактички план. Гатузо се одлучи да игра во формација 3-4-3 и неговиот тим беше комплетно надигран и само поради Пепе Реина кој забележи неколку одлични одбрани Милан не беше поразен поубедливо.
Пред дербито, падна најважниот потпис во Манчестер Сити! ↓↓↓
Низ медиумите во Италија на големо се пишува дека Гатузо сигурно ќе го напушти Милан, без разлика на исходот на сезоната и дали ќе успее да оствари пласман во ЛШ.
Раководството веќе почна да бара замена за Гатузо, а медиумите пласираа три тренерски имиња. Како прв фаворит за клупата на „росонерите“ во овој момент се истакнува поранешниот стратег на Јувентус, Антонио Конте. Тој е желба на спортскиот директор Леонардо и наскоро „росонерите“ ќе испратат понуда до него.
Паоло Малдини пак инсистира на кормилото да биде доведен Маурицио Сари, кој на крајот на сезоната најверојатно ќе го напушти Челзи и ќе се врати во Италија.
Генералниот директор Иван Газидис како прв „пик“ го има Маурисио Покетино, но тоа е скоро „невозможна мисија“ бидејќи Аргентинецот има договор со Тотенхем.
Во секој случај, италијанските медиуми се сигурни дека еден од споменатите тројца ќе биде нов тренер на Милан следната сезона.
Учество во игри на среќа е дозволено за лица со 18+ години. Играј одговорно!