Јувентус – Атлетико Мадрид: Ноќ кога Роналдо треба да се претвори во Супермен

После милионите дадени за Роналдо, милионите продадени дресови со неговото име, на крајот се се сведува на само едно – Една ноќ во Торино. После сите комерцијални бенефиции поради кој беше донесен Кристијано Роналдо, тој пред се беше донесен во Јувентус за тимот да ја освои Лигата на Шампиони, после повеќегодишната доминација во Серија А.

Атлетико Мадрид пак уште ужива во ерата на Диего Симеоне, кој го навикна тимот постојано да биде во врвот на Ла Лига, но и во фудбалска Европа.

Сега тој ќе има далеку полесна задача од неговиот колега на спротивната страна. Масимилиано Алегри е пред неверојатно тешка задача. Јуве треба да ја стигне негативата од два гола. Но во исто време треба и да ја зачува својата мрежа недопена, бидејќи со еден гол во мрежата, тие ќе треба да постигнат четири голови за да го елиминираат Атлетико.

Старата дама се надева на чудо

Прашање е колку може да се верува на она што се следи по социјалните медиуми и мрежи. Можеби тоа не е директен одраз на расположението во соблекувалната, но тимот Јувентус изгледа дека негативата од 2:0 ќе ја достигне полесно од очекувањата. Такви се барем најавите кои доаѓаат внатре од тимот. Тие објавија и силно мотивациско видео, иако не е сосема јасно зошто навивачите во клипот се шкотски и англиски навивачи. Можеби се надеваат дека песната од трибините што минатата недела многу добро му служеше на Манчестер Јунајтед, овој пат ќе му служи и на Јуве.

Старата дама се загреа за овој меч со удобна победа над Удинезе во петокот вечерта. Но составот на Макс Алегри уште еднаш докажа дека квалитетот на Серија А е далеку послаб, ако на страна се тргнат првите четири екипи на табелата. Тие на тој меч играа без Роналдо, Манџукиќ, Пјаниќ, Дыбала, Бонучи, Кансело и Киелини кои беа одморени. Тоа значи дека тие ќе имаат свежи нозе за овој меч со Атлетико.

Сепак, не дека Алегри не е без проблеми. Алекс Сандро е суспендиран, а Матија Де Шиљо, Квадрадо и Даглас Коста се повредени. Тоа би можело да значи настап во првиот тим на Мартин Касерес и тоа на една од страничните позиции во одбраната, но и на Бернардески кој би бил поофанзивен.

Застрашувачки домашен рекорд

Многу работи но и статистики се на страната на Јуве. Прво, незамисливо е Јувентус да одигра толку лошо како што играше на првиот натпревар во Мадрид.

Второ, тука е нивниот неверојатен рекорд на Алијанц стадионот. Откако се преселија на тој стадион пред седум и пол години, само десет пати беа поразени. Тие во тоа време ја сочуваа својата мрежа недопрена на 87 натпревари. Уште еден меч без примен гол во вторник ќе биде задолжителен ако тие сакаат да продолжат во Лигата на Шампиони.

Трето и најважно, тука е Роналдо. Тој постигнува голови во најважните моменти за неговите екипи. Освен тоа, Атлетико Мадрид и тоа како му лежи на Роналдо. Тоа е екипа против која Роналдо редовно постигнуваше голови кога играше во Реал Мадрид.

Н

Атлетико свеж, но со мали проблеми во одбраната

Има две работи во формата на Атлетико Мадрид, која треба да го исплаши Јуве. Прво, тие победија на пет натпревари во серија – досега најдобрата серија во сезоната. Второ, тие не примија гол ниту еднаш на овие пет натпревари. Одбраната ги добива натпреварите според Симеоне, а таа е на највисоко ниво во моментов, токму пред дуелот со Јувентус.

Исто како и нивните противници, така и Атлетико добро се одмори пред овој меч. Ниту еден од Годин, Хуанфран, Саул, Мората, Коке и Лемар не беа во почетните 11 против Леганес за време на викендот. Тоа значи дека Симеоне ќе има одличен и свеж тим во вторник и покрај тоа што Диего Коста и Томас се суспендирани поради картони.

Но Симеоне има проблем и на левата бековска позиција бидејќи Филипе Луис и Лукас Ернандес се борат со повреди. Тоа значи дека Сантијаго Аријас или Хуанфран ќе играат на таа позиција. Можно е во одбраната да стартува и Стефан Савиќ кој заедно со Диего Годин и Хозе Марија Гименез, сигурно ќе сочинуваат едно крајно цврста и силна одбрана.

Како и секогаш, Гриезман ќе биде клучната фигура во нападот, но исто така тука е и Алваро Мората. Кога се имаат вакви напаѓачи во тимот, Сигурно дека Симеоне размислува и како Атлетико да постигне гол како би го решил патникот во следната фаза.

Веројатни состави:

Јувентус: Шчешни, Касерес, Киелини, Бонучи, Бернардески, Емре Џан, Пјаниќ, Матуиди, Кансело, Манџукиќ, Роналдо.

Атлетико: Облак, Ариас, Хименес, Годин, Хуанфран, Коке, Родриго, Саул, Лемар, Гризман, Мората.