Интер победи, Икарди привлекува внимание и кога го нема, Кваљарела ги помина Пјонтек и Роналдо (ВИДЕО)

Фудбалерите на Интер во рамките од 27-то коло од италијанската Серија А го совладаа СПАЛ на домашен терен со 2:0.

Интер во текот на целиот натпревар беше подобар тим на теренот и иако првото полувреме беше завршено без голови во второто „нероаѕурите“ успеаа да стигнат до бодовите.

Матео Политано ја погоди мрежата на гостите во 68-та минута и го доведе Интер во водство од 1:0, а Роберто Гаљардини во 77-та минута ја зголеми предноста на 2:0, резултат кој се покажа и како конечен.

Интересно е што според пишувањата на италијанските медиуми, Мауро Икарди на овој натпревар воопшто не бил на трибините.

Откако пропаднаа преговорите со управата на Интер Икарди се одлучил на негов потек, а неговата одлука не ја промени ни тоа што Интер вчера го прослави 111-тиот роденден, па денес на стадионот „Џузепе Меаца“ се појавија голем број поранешни играчи на овој тим.

Интер после оваа победа се наоѓа на четвртата позиција со 50 освоени бодови и само еден бод помалку од градскиот ривал Милан кој се наоѓа на третата позиција.

Во преостанатите два натпревари, Торино го совлада Фросиноне со 2:1, додека Аталанта на гости беше подобра од Сампдорија со истиот резултат, а Фабио Кваљарела одново беше стрелец за Сампдорија.

Каваљарела така сега е водечки стрелец во Серија А со 20 голови, го следат Кристиано Роналдо и Криштоф Пјонтек со по 19.