Јокиќ во Ол-Стар ритам го преслуша Далас, Пол Џорџ ја реши драмата помеѓу Оклахома и Јута (ВИДЕО)

Tимот на Денвер Наџентс славеше на гостувањето кај Далас Маверикс со 114:104 и така дојде до јубилејната 40-та победа во сезоната.

Никола Јокиќ продолжи онаму каде што застана пред Ол-Стар паузата. Уште еднаш беше на чекор од трипл-дабл со учинок со 19 поени, 13 скокови и 8 асистенции.

Она што поголемиот дел од спортската јавност го очекуваше е судирот помеѓу двајцата Балканци, Лука Дончиќ и Јокиќ, но Словенецот поради одлуката на тренерот кој не сакаше да ризикува со него остана на клупата за резерви.

Самиот натпревар беше прилично изедначен, а беше решен во третата четвртина која Денвер ја доби со 39:23, па до крајот тимот од Колорадо само рутински ја одржуваше стекнатата предност.

Најефикасни во победничкиот тим покрај Јокиќ беа и Пол Милисап кој запиша дабл-дабл (17 поени, 13 скокови), како и Мејсон Пламли (12 поени и 12 скокови).

https://youtu.be/FRgaGpa_ljI

Сепак најинтересниот натпревар во вечерта се одигра во Оклахома каде што после голема борба и две продолженија Тандерси славеа против Јута со 148:147. Поените за победа беа дело на Пол Џорџ на 0.8 секунди пред крајот на натпреварот.

PAUL GEORGE WITH THE GAME-WINNER IN 2OT. ???#ThunderUp pic.twitter.com/NrNVT5ResN

— NBA TV (@NBATV) February 23, 2019

Расел Вестбрук запиша 45 поени, 15 поени и осум асистенции.

Во поразениот тим, 38 поени уфрли Донован Мичел, 26 поени и 16 скокови имаше Руди Гобер, додека 24 поени забележа Дерик Фејворс.

Интересно беше и во Орландо каде што Булси славеа против Орландо со 110:109.

НБА резултати:

Индијана – Њу Орлеанс 126:111

Шарлот – Вашингтон 123:110

Торонто – Сан Антонио 120:117

Орлано – Чикаго 109:110

Њујорк – Минесота 104:115

Атланта – Детроит 122:125

Мајами – ЛА Клиперси 106:112

Далас – Денвер 104:114

Оклахома – Јута 148:147