Дефанзивец кој играл против двајцата: Мбапе е потешко да се чува од Меси

Централниот бек на Лион, Марсело вели дека многу било потешко да го чува Килијан Мбапе отколку Лео Меси.

Неговиот Лион оваа сезона се сретна и со ПСЖ и со Барселона, па така Марсело имаше прилика да ги чува Мбапе и Меси, но вели дека многу потешка задача имал против напаѓачот на ПСЖ.

„Фудбалерите против кои сум играч во последно време се навистина во топ форма. Играв против Мбапе оваа сезона и имав доста работа. Меси не играше добро во вторникот, но Мбапе беше, поради брзината, позиционирањето и се останато. Тој беше најтешкиот противник кој го имав.“ – изјави дефанзивецот на Лион и додаде:

„Мислам дека постои голема можност наскоро да биде најдобриот на светот. Има некои работи на кои мора да поработи да биде како Меси или роналдо, но напредува неверојатно брзо.“

Инаку, Мбапе во текот на оваа сезона одигра вкупно 30 натпревари во сите натпреварувања и запиша 25 погодоци и 14 асистенции. За момче од 20 години ова е неверојатна статистика.