ВАР вчера „откажа“ во Гелзенкирхен – се расипа мониторот (ВИДЕО)

Јасно дербито на вечерта се играше во Мадрид каде што беа насочени сите погледи. На крајот во Мадрид Атлетико славеше со 2:0. Меѓутоа иако

Натпреварот во Гелзенкирхен привлекуваше помалку внимание понуди навистина големи возбудувања, а на крајот сепак англискиот клуб ја оправда фаворитската улога.

Серхио Агуеро уште во 18-тата минута го доведе Сити во водство и тогаш се мислеше дека „граѓаните“ нема да имаат тешка задача да ги однесат трите бода од оваа средба. Меѓутоа во 38-та и 45-та Бенталеб на ист начин – со удар од белата точка прави комплетен пресврт.

На „Велтинс“ арената посебна драма настана при првиот пенал Шалке. Тогаш Николас Отаменди играше со рака во својот шеснаесетник, а судијата Дел Соро покажа на белата точка. Меѓутоа Дел Соро не беше сигурен во својата одлука и сакаше да се консултира со ВАР.

Во тој момент настана и проблемот, мониторот се расипа, а Дел Соро мораше да ја контактира „ВАР“ собата од каде што му потврдија дека има елементи за најстрога казна.