Добри вести за Тотенхем: Се враќа Хари Кејн!

Тимот на Тотенхем во последно време се соочува со големи проблеми со повредени играчи, а денес конечно пристигна добра вест за „спарси“.

Голгетерот на Тотенхем, Хари Кејн веќе нормално тренира со остатокот од тимот и ќе му биде на располагање на тренерот Маурисио Покетино за саботниот меч во Премиер лигата против Барнли.

Англискиот репрезентативец заработи повреда на глуждот во дербито со Манчестер Јунајтед на 13-ти јануари и тогаш прогнозите беа дека ќе отсуствува до март.

Меѓутоа, Кејн се опорави порано од предвиденото и од вчера тренира со остатокот од тимот.

Додека Кејн беше надвор од терените Тотенхем победи на сите натпревари во Премиер лигата, како и на мечот со Борусија Дортмунд во Лигата на шампиони.

Од почетокот на сезоната Хари Кејн има постигнато 20 гола во сите натпреварувања.

https://youtu.be/oGlgYUzQOu0