Ефект Роналдо – ова е за сите оние кои тврдеа дека во Серија А е многу потешко!

Кристиано Роналдо веќе докажа дека може да игра и во Серија А!

Минатото лето на големо изненадување на спортската јавност Кристиано Роналдо го напушти Реал Мадрид, а уште поголемо изненадување беше што за нова дестинација го избра Јувентус и Серија А.

Роналдо го напушти Мадрид после три титули во Лигата на шампионите во низа и во Јувентус дојде по нов предизвик, а тоа е да му помогне на овој клуб конечно да стигне до трофејот во најелитното европско натпреварување.

„Бјанконерите“ за него платија рекордни 112 милиони евра, но се добива впечаток дека секој цент им се исплаќа како на фудбалски, така и на економски план. Ќе ве потсетиме дека акциите на клубот доживеаа огромно зголмување откако Португалецот го стави својот потпис.

На стартот од сезоната во Јувентус не му одеше баш најдобро, но кога еднаш го „скрши мразот“ едноставно не запира.

Роналдо на последното гостување во Серија А стана првиот играч во Серија А кој постигнал погодок на девет гостувања во низа.

Меѓутоа Роналдо не влијае само со головите, Португалецот многу често и асистира и веќе учествувал во 70% од головите на „старата дама“.

Импозантен е податокот дека Роналдо од 53-тите постигнати голови на Јувентус, учествувал во дури 37 од нив, погодувал или асистирал.