Лоша атмосфера во Леванте: Полицијата притвори соиграч на Барди – изнудвал пари!

Атмосферата во тимот за кој настапува македонскиот интернационалец Енис Барди може да биде сериозна нарушена.

Играчот на овој тим, Антонио Гарсија Араната – Тоњо бил уапсен од полицијата поради поврзаност со група која извршувала незаконски работи, а најмногу изнудвање на пари со закани.

Тоњо кој има 29 години се појавил пред судот кој после неговата изјава му доделил казна притвор.

„Поради тајноста на целиот процес нема да објавиме некакви индормација. Сакаме само да му дадеме целосна поддршка на нашиот фудбалер и неговото семејство. Дополнителни коментари на оваа тема на даваме“, соопштија од Леванте.