Ѕвездата на Ајакс сака во Барса, Раиола го убедува да го избере Јувентус

Барселона го ангажираше Френки Де Јонг од Ајакс, но сака на лето да ја доведе и другата ѕвезда на холандскиот клуб, Матијас де Лихт.

Холанѓанецот има желба да се пресели во Каталонија, но неговиот агент Мино Раиола смета дека за него е подобро да замине во Јувентус.

Контроверзниот менаџер смета дека Торино е идеална средина за него и дека многу повеќе ќе напредува во кариерата покрај Киелини и Бонучи.

„Мундо Депортиво“ смета дека Раиола го има последниот збор и дека неговите фудбалери секогаш го слушаат нивниот совет.

Познато е дека Барселона не е во добри односи со Раиола уште од времето кога Златан Ибрахимовиќ го напушташе „Камп Ноу“.

Барселона и Јувентус се спремни да платат 50 милиони евра за потписот на Де Лихт, па останува да видиме каков ќе биде неговиот избор.