Дали оваа одлука е „грабеж“ за Лука Дончиќ?

Кошаркарот кој е вистински хит во НБА лигата оваа сезоната и супер освежување, Лука Дончиќ нема да биде дел од стартната петорка на Западната конференција на претстојниот Ол-Стар натпревар.

Ол-Стар натпреварот ќе биде одржан во Шарлот.

Дончиќ од страна љубителите на кошарката од целиот свет доби над четири милиони гласови.

Сепак, на крајот одлучи гласањето на играчите и новинарите, а тука Словенецот ја немаше потребната поддршка.

Од нив Дончиќ доби само 43 гласа и заврши на осмата позиција, тоа не беше доволно за место во почетната петорка.

Леброн Џејмс во своето прво учество за екипата на Запад ќе биде капитен, а во стартните пет покрај него се и Стеф Кари, Џејмс Харден, Кевин Дурент и Пол Џорџ.

Во Источната конференција, пак, Јанис Адетокумбо ќе ја носи капитенската лента, а на паркетот ќе истрчаат покрај него ќе истрчаат Кајри Ирвин, Кемба Вокер, Кавај Леард и Џоел Ембид.