Вујовиќ: Хрватска намерно беше оштетена

Репрезентацијата на Хрватска беше одлична во текот на целото Светско првенство, но сепак со поразите од Бразил и Германија го расипаа впечатокот.

Големо внимание привлече натпреварот против Германија каде што Германците во финишот од натпреварот добија помош од судиите и беше досудено пробивање од страна на Карачиќ.

Сега во колумна за хрватски „Индекс“, Веселин Вујовиќ порача дека Хрватска е оштетена, но не ограбена како што тврди Червар.

„Да, Хрватска е намерно оштетена од данските судии. Но не е ограбена. Се до тој момент арбитражата на оваа судиска двојка беше коректна. Во тој момент кога ја ошететија Хрватска ќе беше исправно ако Виде заработеше исклучување поради симулирање“.
Потоа Вујо ја прокоментира и жестоката реакција на Червар.

„Не ми е јасно зошто Лино така реагираше. Судиите грешеа и во негова полза. Не знам дали толку добро ги пдготвува натпреварите, па нема што да каже на тајм-аутите. Кога тој ќе повика тајм-аут кажува нешто кое и случаен минувач може да го каже. Бидете мирни, постигнете погодок и играјте добро во одбраната. Сигурен сум дека ако Хрватска има помлад селектор ќе оствари далеку поголем успех“, порача Вујо.