Македонија го доби противникот во натпреварот за 15-тата позиција на Светското првенство

Во денешниот натпревар помеѓу Катар и Чиле, Катарците запишаа убедлива победа од 37:27 и така ни го испратија Чиле за противник во утрешниот натпревар за 15-тата позиција на Светското првенство.

Катарците се покажаа како пресилен противник за Чиле и уште на полувремето имаа предност од десет голови разлика 21:11, на крајот со таа предност и го завршија натпреварот.

Ова значи дека ние утре од 13:00 часот ќе играме против Чиле во борба за 15-тата позиција, додека Русија и Катар ќе играат за 13-тата.