Милан се држеше, но Јувентус го имаше Роналдо – Португалецот со прв трофеј во дресот на „старата дама“ (ВИДЕО)

Денес во Саудиска Арабија со почеток од 18:30 часот Јувентус и Милан го одиграа италијанскиот Суперкуп.

Поради моменталната форма на клубовите, Јувентус беше фаворит, а на крајот и ја оправда таа улога. „Старата дама“ прослави минимална победа од 1:0, а одлучувачкиот погодок беше дело на Кристиано Роналдо.

Далеку од тоа дека Милан немаше шанси на оваа средба.

Во првиот дел и на двете страни видовме по некоја прилика, но изостануваа оние 100%.

„Росонерите“ во второто полувреме беа блиску до погодок кога Патрик Кутроне ја погоди пречката од голот на Војчех Шчесни. 

Оваа пропуштена прилика ја казни Роналдо во 61-та минута кога погоди со глава после хируршки прецизната асистенција од Миралем Пјаниќ. Сепак, впечаток е дека во оваа ситуација и Џанлуиџи Донарума не реагираше баш најдобро.

Надежите на Милан значително беа намалени кога во 73-тата минута Франк Кеси заработи исклучување после стартот над Емре Чан.

#JuveMilan #يوفنتس_ميلان gooooooal #Ronaldo pic.twitter.com/6WXlpYztxC

— Murran (@pilot_45) January 16, 2019