Зошто Покетино го стави Кејн во игра кога водеше 0:6? – Причината е фантастична!

Тренмере не беше достоен ривал на Тотенхем во вчерашниот натпревар од ФА Купот.

Тотенхем успеа да се пласира во 1/16 финалето на ФА Купот откако го совлада Тренмере со 0:7 на гостински терен.

Покетино на терен ги испрати резервите кои беа потпомогнати од Сон, Моура и Али, а кога резултатот беше 0:6 во игра влезе Хари Кејн.

На никого не му беше јасно зошто, но Покетино ја образложи својата одлука.

„Станува збор за почитување на противникот. Важно е да се почитува и домашната публика која дојде да го гледа Хари Кејн кој во овој момент е икона на англискиот фудбал“, изјави Покетино.

Кејн го постигна седмиот погодок во победата на Тотенхем.