Чудесниот Харден со монструозен настап го сруши шампионот, Јокиќ до нов дабл-дабл (ВИДЕО)

Само три натпревари беа одиграни во НБА лигата изминатата вечер, а највозбудливо беше во натпреварот во кој Џејмс Харден го предводеше Хјустон до победа против Голден Стејт.

Одиграа Вориорси и Хјустон одличен натпревар, а на крајот Хјустон славеше победа после продолженија со 135:134.

Актуелните шампиони имаа победа во раката. Водеа со шест разлика на минута пред крајот, но тимот на Хјустон предводен од Харден стигна до изедначување 119:119, а промашија и шут за победа во регуларниот дел.

Во продолженијата се продолжи со одличната кошарка. Двата тима погодуваа скоро се, а на секунда пред крајот Џејмс Харден погоди тројка за 135:134. Се обиде Дурант да возврати, но не погоди, па Хјустон стигна до 22-та победа во сезоната.

Харден повторно беше фантастичен и оствари нов трипл-дабл учинок. Уфрли 44 поени, запиша 15 асистенции и 10 скокови. Одличен натпревар одигра и Клинт Капел кој постигна 29 поени и запиша 21 скок.

https://www.youtube.com/watch?v=VQ6r–_9ycU

Стеф Кари на другата страна уфрли 35 поени, додека Дурант и Клеј Томпсон уфрлија по 26 поени.

Денвер како гостин славеше против Сакраменто со 117:113.

Серијата одлични настапи ја продолжи шутерот од Колорадо Џамал Мареј кој уфрли 36 поени, а одличен беше и Никола Јокиќ со 26 поени и 13 скокови. На другата страна Бади Хилд уфрли 29 поени.

https://www.youtube.com/watch?v=rzgzegNf_KI

Во третиот натпревар Сан Антонио на свој паркет го совлада Торонто со 125:107.