Семејството на Роналдо со жестоки критики: Бог задоцнува, но не заборава!

Лука Модриќ вчера ја освои „Златната топка“, а ваквото сценарио не им се допадна на блиските на Кристиано Роналдо.

Најжестока беше сестрата на Роналдо, Елма Авеиро која преку својот Инстаграм профил не бираше зборови кога го критикуваше реномираниот „Франс Фудбал“.

Според Елма, победата на Модриќ не е заслужена и смета дека своја улога одиграла корупцијата.

„За несреќа ова е свет кој живее од корупција и мафија. Божјата моќ е поголема од сето тоа. Бог задоцнува, но не заборава“, порача Авеиро преку нејзиниот Инстаграм профил покрај фотографијата од Роналдо.

Ќе потсетиме, Роналдо не се појави на церемонијата, а Модриќ во гласањето освои 753 бодови, додека Португалецот се најде на втората позиција со 478 освоени поени.