Aлвес за Ривер – Бока: За мене тоа е најголемо разочарување и срам!

Искусниот бразилски фудбалер, Дани Алвес изрази разочарување што финалето во Копа Либертадорес ќе се игра надвор од Аргентина.

Вчера беше потврдено дека финалето во Копа Либертадорес помеѓу Ривер и Бока ќе се игра на „Сантијаго Бернабеу“ на 9-ти декември.

Во Бока одбиваат да играат и сакаат службена победа, од друга страна и Ривер не сака да игра во Мадрид, а и поголемиот број неутрални фанови сметаат дека е глупаво што овој натпревар ќе се игра далеку од Буенос Аирес.

„Да ги гледам како Бока и Ривер играат надвор од јужноамериканскиот континент за мене како фудбалер претставува најголемото разочарување и срам кој сум го видел“, прокоментира Алвес.

Ќе потсетиме првиот натпревар на „Бомбоњера“ заврши 2:2.