Лион – Манчестер Сити: „Граѓаните“ доаѓаат по одмазда!

Лион и Манчестер Сити го играат еден од најинтересните дуели веќерва во рамките на 5-то коло од Лигата на шампиони.

Двата тима влегуваат во овој меч во добро расположение после добрите резултати во последно време, но тимот на Гвардиола има мотив повеќе – доаѓа по одмазда за непријатниот пораз на „Етихад“.

Чуда се случуваат само еднаш, или…

Во првото коло Лион го направи најголемото изненадување и го победа Манчестер Сити на „Етихад“ со 1:2. Сите помислија дека тоа ќе биде поттик Лион да одигра фантастично во групната фаза од ЛШ, но тоа беше се што направи францускиот клуб до сега. Тие ја оставија отворена вратата за останатите два тима од групата така што одиграа три реми натпревари, а сега ќе го пречекаат фаворитот. Поради тоа овој меч е многу значаен за нив, бидејќи со пораз ќе треба да стравуваат во последното коло на гостувањето во Украина.

Лион е инаку во одлична форма и е непоразен на последните пет меча во сите натпреварувања. Меѓутоа, Лион пред тоа ремизираше четири од пет натпревари на домашен терен, па не може да се каже дека овој тим игра подобро пред своите гледачи. Најголемата ѕвезда Набил Фекир е под знак прашалник, а сигурно во тимот ќе ги нема Џордан Фери и Амин Жири.

Гвардиола не греши два пати со ист противник

Главна цел за Пеп Гвардила и Манчестер Сити оваа сезона е освојување на Лигата на шампиони, па затоа се едни од фаворитите во ова натпреварување. „Граѓаните“ и покрај стартниот пораз играат според планираното и се лидери во групата, па на овој меч доволен им е само бод за да го задржат тоа место. Важно за Гвардиола е на овој меч да го осигура првото место бидејќи потоа тимот има многу тежок распоред во Премиер лигата.

Сити моментално е во импресивна форма, а интересно е дека играат одлично на гостувањата во Лигата на шампиони – остварија пет победи на последните седум гостувања. Притоа, „граѓаните“ немаат пораз на 12 гостински меча во сите натпреварувања, па поради тоа се големи фаворити во овој натпревар. Гвардиола за овој меч не може да смета на Менди, Де Брујне и Бернардо Силва, а Гундоган и Жесус се под знак прашалник.

Веројатни состави:

Лион: Лопес, Денајер, Марсело, Морал, Рафаел, Ндомбеле, Ауар, Менди, Фекир, Депај, Дембеле.

Манчестер Сити: Едерсон, Вокер, Стоунс, Лапорте, Делф, Фоден, Фернандињо, Бернардо, Марез, Сане, Жесус.

Целосниот текст прочитајте го на специјализираниот портал kladenje.mk