Мурињо пред Јанг Бојс: Кој чуствува притисок нека остане дома

Maнчестер Јунајтед вечерва игра за пролет во Лигата на шампионите.

Жозе Мурињо имаше јасна порака до играчите пред натпреварот со Јанг Бојс.

Новинарите на Островот сметаат дека Манчестер Јунајтед оваа сезона игра полошо на домашен терен, поради притисокот кој играчите го чуствуваат од навивачите.

„Па, ако чуствуваат притисок нека останат во своите домови. Каков притисок е тоа кога доаѓаат луѓе да навиваат за вас, сигурно е подобро отколку да играте пред празни трибини.Тоа е непочитување кон стадионот и навивачите, секако дека е подобро кога играте на домашен терен“, јасен беше Мурињо.

На Јунајтед вечерва му е потребна победа против Јанг Бојс, а во таков случај и победа на Јувентус против Валенсија тие на едно коло пред крајот од групната фаза би го обезбедиле пласманот во нокаут фазата.