Ноер со „скандалозна“ статистика – што се случува со еден од најдобрите светски голмани?! (фото)

На Баерн оваа сезона не му оди во Бундес лигата. Актуелниот шампион на Германија во овој момент се наоѓа на петтата позиција на табелата, а минатиот викенд не успеа да слави против Фортуна Дизелдорф (3:3).

После натпреварот со Фортуна, Ноер изјави дека би победиле и со 5:0 ако неговите соиграчи на теренот ги спроведеле замислите на тренерот Нико Ковач на дело.
Ковач набрзо го прокоментира Ноер, истакна дека неговата екипа „примила 17 голови од 20 удари“ и додаде дека такво нешто е недозволиво за голманот на шампионот на Германија.

Изгледа дека Ковач бил во право бидејќи Ноер во овој момент по процентот на одбранети удари е на самото дно во Бундес лигата. Тој во статистичката категорија е 18-ти голман во германското првенство со само 43.8% одбранети удари кои оделе во рамките од неговиот гол.