Интересен договор: Без трансфер од Ливерпул во Барселона во наредните две сезони

Екипата на Барселона нема да може да купува играчи од Ливерпул во наредните две сезони.

Според договорот помеѓу двата клуба во трансферот на Кутињо од јануари оваа година е вклучена клазула со која вкупно три сезони не може да купува играчи од Ливерпул.

Помина скоро една година од трансферот на бразилскиот фудбалер, а преостануваат уште две години од договорот, кој Барселона наводно нема да го прекрши.

Да потсетиме, Кутињо бараше изговори да не игра за Ливерпул за да замине на Камп Ноу. На крајот тоа се случи, иако раководството на Црвените беше против трансферот.

Секако интересна клазула која може да стане практика во светот на фудбалот.