Италијанците откриваат каков договор ќе потпише Ибрахимовиќ со Милан и колку ќе заработи

Златан Ибрахимовиќ е пред враќање во Милано, градот каде што се задржа пет години играјќи за Интер и Милан и од каде летото 2012 година ја напушти Серија А како најдобар стрелец.

Тоа го постигна со Милан, каде и што сега би можел да се врати. Милан мора да пронајде уште еден напаѓач покрај Игуаин и Кутроне бидејќи конечно сакаат да се вратат во Лигата на шампионите.

Преговорите за враќање на Ибрахимовиќ во Милано започнаа пред два дена, а италијанските медиуми најавуваат дека остануваат само формалности и дека работата е завршена.

„Газета дело Спорт“ денес пишува и за тоа колку Ибрахимовиќ ќе заработи во Милан за шест месеци.

Според нивните информации Ибрахимовиќ ќе добие два милиони евра за шест месеци, додека во договорот ќе има опција и истиот да биде продолжен на уште една сезона.