Бројките говорат сами за себе: Германците си ги срушија сите негативни рекорди!

Репрезентацијата на Германија никогаш не изгледало послабо од оваа година.

Германија на општо изненадување на сите љубители на фудбалот, неславно ја заврши оваа година.

Избраниците на Јоаким Лев беа очајни на Мундијалот каде што не ја поминаа ниту групната фаза, за сега да бидат најлоши во својата група во Лигата на Нации.

Во колкава криза на резултати е Германија говорат следните бројки.

Тие имаат само 31% победи на натпреварите во 2018 година што е нивни најлош учинок уште од 1964 година. Бодови по натпревар освојуваа само 1.5, што исто така најлош учинок од истата годна.

Знаете колкава гол разликата? – Во минус! Германците имаа гол разлика од -3 што не им се случило од 1956 година, а постигнуваат само 1.08 гол по натпревар, последен пат таков голгетерски учинок имаа во 1950 година.

Германците направија нешто и што не им се случило никогаш претходно, а тоа се шесте порази во една календарска година.