Хокеарите редат победи: Како први во групата одиме во полуфинале!

Maкедонската хокеј репрезентација продолжува со одличниот настап на „Девелопмент Купот“ во Фусен, Германија.

После вчерашните две победи против Ирска и Андора, денес ја победивме и Португалија со што го освоивме првото место во групата.

За разлика од претходниот натпревар против Андора како и што се очекуваше против Португалија видовме голема борба од која на крајот излеговме како победници со 5:4. Првата третина им припадна на Португалците, за потоа втората да ја добиеме со 3:1.

По оваа победа вечерва од 18:00 часот веднаш се игра и полуфиналето во кое ќе играме повторно против Андора, додека финалето се игра утре, кога е закажан и натпреварот за третото место.

Ќе потсетиме, станува збор за турнир кој е неофицијално Светско првенство за држави без затворени хокеј арени.