Кошмарот на Стриниќ конечно заврши!

Хрватскиот дефанзивец и член на Милан, Иван Стриниќ доби зелено светло од докторите за враќање во тренажен процес, откако успешно ги помина медицинските тестови.

На Стриниќ му беа откриени срцеви проблеми при пристигнувањето во Милан после Мундијалот и му беше забранета секаква спортска активност.

„Во последните денови Иван Стриниќ помина серија од медицински прегледи кои покажаа дека фудбалерот може да ги поднови спортските активности и да се врати во тренажен процес“, соопштија од клубот.
Стриниќ од понеделник ќе почне со тренинзи, а се очекува во јануари да се врати на фудбалските терени.

#Milan, UFFICIALE: via libera dei medici, Strinic torna ad allenarsi https://t.co/EZPDobDBKu pic.twitter.com/RFXHTyxAPy

— calciomercato.com (@cmdotcom) November 15, 2018