Мануел Ноер никогаш не бил полош: Катастрофален податок за еден од најдобрите голмани

Оваа сезона Баерн Минхен има проблеми во Бундес лигата, а во вчерашниот натпревар против Фрајбург одиграа само 1:1 и тоа на домашен терен во Минхен.

Во лошата форма на Баерн се вклопува и голманот Мануел Ноер кој е непрепознатлив во последно време.

Ноер сигурно е помеѓу најдобрите голмани во светот, но од кога се врати на терените после повредата на стапалот никако не успева да ја пронајде формата со која бранеше претходно.

Сепак, колку и Ноер да е во лоша форма еден факт до кој стигнаа Германците е навистина неверојатен за голман од негов калибар.

Имено, Ноер примил осум гола од последните – осум директни удари кон неговиот гол! Да, добро прочитавте „осум од осум“. Ова е навистина катастрофален статистички показател за германскиот чувар на мрежата.