НБА: Далас поразен во спектакуларен натпревар, Дончиќ фантастичен, Џејмс и Лејкерси со нов пораз (ВИДЕО)

Сан Антонио Спарси во фантастичен натпревар го победија Далас Маверикс после продолженија со 113:108.

НБА лигата вчера уште еднаш покажа зошто е најдобра во натпреварот помеѓу Спарси и Маверикс. На крајот повеќе среќа имаа домаќините и после продолженија стигнаа до победата.

Неверојатен натпревар гледавме од самиот почеток каде што двата тима се менуваа со водството, а резултатот на полувремето беше 53:45 за Сан Антонио и изгледаше дека домаќинот
лесно ќе го реши натпреварот во својот корис. Сепак, во продолжение Далас се врати, па стигна и до предност.

Во последните секунди од натпреварот се кршеше резултатот, а двете екипи можеа да стигнат до победата, а на крајот се заврши со 102:102. Во продолженија беа подобри Спарси кои славеа со 113:108.

Кај домаќините одличен беше Дерозан со 34 поени, Олдриџ додаде 20. Нов фантастичен натпревар за Далас одигра Лука Дончиќ кој постигна дури 31 поен запиша осум скокови и подели четири асистенции.

https://www.youtube.com/watch?v=IdqC0c3eTg0

ЛА Лејкерси запишаа нов пораз и тоа на гости против Минесота со 124:120. Недоволно беше тоа што Леброн Џејмс постигна 29 поени, запиша десет скокови и подели осум асистенции, Инграм уфрли 24 поени. Домаќините до победа ги предводеше Батлер со 32 поени.

https://www.youtube.com/watch?v=3T6qrJGjVng

Голден Стејт славеше победа на гостински терен против Чикаго со 124:149. Фантастичен натпревар кај актуелниот шампион одигра Томпсон кој постигна дури 52 поени, Кари уфрли 23 поени. Во редовите на поразениот тим најдобар беше Блекенеј со 21 поен.

https://www.youtube.com/watch?v=TETHGF49GJ0

НБА резултати:
Индијана – Портланд 93:103

Филаделфија – Атланта 113:92

Мајами – Сакраменто 113:123

Њујорк Никси – Бруклин 115:96

Чикаго – Голден Стејт 124:149

Милвоки – Торонто 124:109

Минесота – ЛА Лејкерси 124:120

Сан Антонио – Далас 113:108 (после продолженија 102:102)

Денвер – Њу Орлеанс 116:111