Порака на Диаз до УФЦ после заканите на Кабиб за заминување: Подобро отпуштете мене

Кабиб Нурмагомедов вчера се закани дека би можел да го раскине договорот со УФЦ, ако организцијата го отпушти неговиот пријател Зубаир Тукхугов, кој го удри Конор Мекгрегор после борбата во Лас Вегас.

После се согласи и Нате Диаз, кој изгледа иронично побара УФЦ да не го отпушта пријателот на Кабиб.

„Дан, те молам остави го глупавиот пријател на Кабиб во УФЦ. Отпушти ме мене, подобро е така. Верувам дека тоа е повеќе фер“, порача Диаз.

На Диаз му пропадна борбата против Дасин Пориер против кого требаше да се бори на 3-ти ноември во Њујорк, а порача дека го интересира борба само со Кабиб.

Нате во овој момент има учинок од 19:11, а последните борби ги одработи пред повеќе од две години кога запиша победа и пораз против Конор Мекгрегор.