Полицијата излезе со официјално соопштение за борбата помеѓу Кабиб и Конор

Кабиб Нурмагомедов го победи Конор Мекгрегор во големата борба во УФЦ, но во медиумите најмногу се пишува за она што се случуваше по завршувањето на борбата.

Испровоциран од навредите на еден од тренерите на Конор, Нурмагомедов скокна од кафезот да се пресметува. Поради големите инциденти претседателот Ден Вајт соопшти дека три лица од тимот на Нурмагомедов биле приведени.

Сепак, од полицијата во Лас Вегас се огласија со официјално соопштие во кое откриваат дека немало никакви тужби од двете страни, па поради тоа никој не бил задржан.

„Нашите службеници интервенираа во неколку инциденти кои се случија после завршувањето на борбата. Од кога страстите се смирија и страните беа раздвоени, никој не сакаше да испраќа тужба до спротивниот табор, поради тоа и немаше никакво апсење“, стои во соопштението од полицијата во Лас Вегас.