Овој викенд Манчстер Јунајтед во луд натпревар во кој одигра фантастично второ полувреме успеа да слави победа против Њукасл од 3:2, но во медиумите и понатаму се пишува дека Жозе Мурињо е во лоша ситуација, иако сега се многу по смирено.
Како главен кандидат за клупата на „црвените ѓаволи“ веќе подолг период се споменува Французинот, Зинедин Зидан кој е без ангажман откако си замина од Реал Мадрид.
Како екраните влијаат на детскиот развој? Разговор со дефектолог
Сепак, според зборовите на агентот на францускиот стратег тоа нема да се случи.
„Според мене нема да ја избере Англија, фудбалот кој се игра таму не е негов стил. Имаме разговарано на таа тема и отворено ми кажа дека не е заинтересиран“, изјави за француските медиуми агентот на Зидан.
Пред да започнат лошите резултати во Јунајтед, Зидан се поврзуваше и со Јувентус, па Французите му поставија прашање какви се шансите на „старата дама“.
„Кога е Јувентус во прашање не можам да кажам не, Зидан остави голема трага во Торино и тоа би можело да биде одлука донесена со срце. Мислам дека „старата дама“ има доволно аргументи за да го убеди. Покрај што е нивни поранешен играч имаат и фантастичен проект“, гласеше неговиот одговор.
Сега, не е јасно дали Зидан би прифатил во Јувентус одреден период да биде спортски директор, со оглед дека таа позиција е испразнета после заминувањето на Марота, а на Алегри му оди одлично на клупата.
Учество во игри на среќа е дозволено за лица со 18+ години. Играј одговорно!