На Валверде почнува да му се „тресе“ столчето: Барса веќе го контактирала потенцијалниот наследник?

Фудбалерите на Барселона во минатото коло забележаа уште еден кикс и веќе трет натпревар се без победа, овој пат тие одиграа само 1:1 против Атлетик Билбао.

Каталонскиот клуб од поодамна не бил во поголема криза кога во прашање е домашното првенство бидејќи веќе три кола се без победа. Барса на домашен терен ремизираше против Џирона и Атлетик Билбао, а помеѓу овие две средби доживеаа изненадувачки пораз од Леганес.

Во шпанските медиуми веќе на големо се шпекулира дека управата на Барселона не е задоволна од тоа како Ернесто Валверде си ја извршува својата задача, наводно најмногу му замеруваат на честите промени во составот. Кога водите клуб каков што е Барселона и три натпревари сте без победа јасно е дека не сте во најдобра позиција.

Поради таквата ситуација се појави и вест дека Барселона одлучила да реагира во случај Валверде да заработи отказ и веќе му спремаат замена.

Според некои информации клубот веќе го контактирал Арсен Венгер за кого веруваат дека со неговата филозифија може да придонесе за успех, но и атрактивен фудбал на „Ноу Камп“.

Ќе потсетиме, Венгер од напуштањето на Арсенал е без работа, а неодамна излезе во медиумите дека се уште не е пензиониран, што значи дека наскоро би можеле да го гледаме во некој клуб.

Дали тоа навистина може да биде Барселона останува времето да покаже.