Mилан никако да победи, Емполи им извлече бод на „росонерите“ (ВИДЕО)

Вечерва натпреварот од шестото коло во Серија А го одиграа екипите на Емполи и Милан.

Овој натпревар не донесе ништо ново кога во прашање е лошата форма на „росонерите“, после 90 минути игра тимот на Гатузо за кого ова можеби е еден од последните натпревари одигра само 1:1.

Милан стигна до водство уште во 10-тата минута преку автоголот на Капези.

„Росонерите“ долго време имаа предност и пропуштија неколку одлични прилики и да стигнат до поубедливо водство, но не ги искористија.

Казната стигна преку Капуто кога во 71-та минута ја реализираше најстрогата казна.

Резултатот 1:1 се покажа и како конечен, па Милан после пет одиграни натпревари(имаат еден натпревар помалку, оној со Џенова) имаат освоено шест бодови со учинок од три нерешени средби, една победа и еден пораз.

Во следното коло Милан го очекува натпревар на гостински терен кај Сасуоло.