Гатузо за гостувањето кај аутсајдерот во Луксембург нема да смета на четворица

Џенаро Гатузо не ќе може да смета на четворица играчи во првиот натпревар од Лигата на Европа.

„Росонерите“ Лигата на Европа ја започнуваат во Луксембург каде што гостуваат на најпријатното изненадување во квалификациите, екипата на Дуделаж.

Тренерот не екипата од „Сан Сиро“ за оваа средба не ќе може да смета на Патрик Кутроне, Мусакио, Сусо и Боновентура.

Кога во прашање е Кутроне тој во главно влегува од клупата за резерви, предност има Игуаин, но се очекуваше дека младиот Италијанец ќе добие повеќе простор во Лигата на Европа.

Сепак повредата која ја заработи во настапот за младинската селекција на Италија е причина што не се најде на списокот на „росонерите“ за утрешниот натпревар.

Милан во групата во Лига Европа освен со Дуделаж ќе игра уште против Реал Бетис и Олимпијакос.