Звезда за бодот против Наполи ќе си добие одлична парична награда од УЕФА

Познато е дека УЕФА доделува одлични награди за освоени бодови во Лигата на шампионите, па така Звезда вечерва си однесе прилично голема сума поради освоениот бод.

Секако, за европските гиганти важни се само бодовите, но за клуб како Звезда и тоа како многу значат финансиските награди кои ги доделува УЕФА во Лигата на шампионите.

За секоја победа во најелитното европско натпреварување клубовите добиваат 2.7 милиони евра, додека за секој бод клубот добива 900.000 евра.
Следниот натпревар кој Звезда ќе го игра во најелитното европско натпреварување е оној против ПСЖ во Париз на 3-ти октомври, натпревар во кој ќе имаат аутсајдерска улога.

Ќе потсетиме во натпреварот од оваа група Ливерпул го победи ПСЖ со 3:2.