450 настапи во Серија А: Тоа го можат само најголемите, а токму таков е Пандев!

Скоро две децении македонскиот капитен Горан Пандев е дел од Серија А, а против Торино Пандев ќе го одигра 450. натпревар во најелитната италијанска конкуренција.

Да се одиграат 450 натпревари во Серија А не е мала работа и тоа го можат само врвни фудбалери, а токму таков е нашиот капитен. Со оваа бројка Пандев влезе во одбрано друштво, а следен што ќе го надмине е легендарниот Роберто Баџо.

Дека Пандев е вистинска легенда покажува и податокот дека е четврти на вечната листа на странски фудбалери со најмногу настапи во Серија А. Пред него се само тројца, најмногу има Хавиер Занети (615), потоа Самир Хандановиќ (485), па Жозе Алфини Мацола (459).

Кога станува збор за настапите во Серија А кои ги вклучуваат сите фудбалери Пандев е на 34. позиција. Во таа конкуренција на врвот е Буфон со 650.