23 годишник стана сопственик на шесткратниот англиски шампион

Поранешниот англиски шампион, а сега член на третиот ранг во англискиот фудбал, Сандерленд доби нов сопственик.

Нов сопствник на Сандерленд е 23 годишниот Кајрли Луис-Дрејфус кој стана најмладиот претседател на некој клуб во англискиот фудбал. Младиот Французин го превзема најголемиот пакет акции, додека досегашниот сопственик Стујарт Доналд ќе задржи помал дел од акциите.

Кајрли е син на порнаешниот сопственик на Марсеј Роберт Луис-Дрејфус кој почина во 2009 година.

Сандерленд е клуб кој шест пати беше англиски шампион, но последен пат во 1936 година, додека два пати го освојуваше ФА Купот, последниот во 1973. Од Премиер лигата испадна во 2017 година, а во овој момент е во Лига 1.