18 лица завршиле во полиција по вчерашното дерби!

Големи инциденти вчера се случуваа на ракометното дерби помеѓу Вардар и Еурофарм Пелистер, а утрово МВР потврди дека приведени биле 18 лица.

Дербито по инцидентите продолжи, а на крајот Вардар славеше убедлива победа со 31:24.

„На 26.03.2023 полициски службеници приведоа 18 лица во врска со нарушување на јавниот ред и мир на натпреварот Вардар-Е. Пелистер во салата Јане Сандански во Скопје.

Известен е јавен обвинител и се преземаат дополнителни мерки и активности за расчистување на случајот по закон за спречување на силство на спортски натпревари“, стои во соопштението на МВР.