Џерард: Чест ми е што сум во Македонија

Утре во рамките од квалификациите во Лигата Европа се игра реванш натпреварот помеѓу Шкупи и Глазгов Ренџерс.

На првиот натпревар во Шкотска, Шкупи забележа пораз од 0:2, а денес легендата на светскиот фудбал и Ливерпул ја одржа редовната прес-конференција.

Џерард истакна благодарност за приемот и потенцираше дека му претставува чест што е гостин во Македонија.

„Чест ми е што сум во Македонија, клубовите тука секогаш играат одличен фудбал. Сакам да им се заблагодарам и на домаќините за одличниот пречек. Очекувам цврст натпревар во кој се надевам дека ќе ја зачуваме стекната предност“, изјави Џердард на прес-конференцијата.

Натпреварот помеѓу Шкупи и Глазгов Ренџерс се игра во 18:00 чаасот.