После Бојан Миовски на кого му тргна одлично во Абердин би можеле да имаме уште еден Македонец во Шкотска и тоа во славниот Селтик.
Имено, медиумите во Шкотска и Хрватска пишуваат дека шкотскиот гигант покажал интерес за македонскиот фудбалер Јани Атанасов кој го носи дресот на Хајдук. Според информациите почетните преговори веќе се оствариле и наскоро може да се очекува официјалната понуда.
Кој ќе биде новиот шампион, Сити или Арсенал? ↓↓↓
За овој трансфер најмногу се прашува Хајдук затоа што Атанасов е под договор со хрватскиот тим. Во редовите на Хајдук Атанасов пристигна пред две години и како што одминува времето станува еден од поважните играчи.
Ќе потсетиме на последното дерби со Динамо Загреб кое Хајдук сепак го загуби Атанасов постигна фантастичен гол од 30-тина метри. Пред Хајдук Атанасов настапуваше за Бурсаспор и Академија Пандев.