Љунберг со молба до челниците на Арсенал: Донесете одлука…

Фреди Љунберг неодамна ја презеде улогата на привремен менаџер во Арсенал.

Швеѓанецот ја презеде екипата откако претходно отказ заработи Унаи Емери, но апсолутно никој не може да ги крене Топџиите на нозе и резултатите се навистина очајни.

Многу менаџери се поврзуваат со Арсенал. Се чини дека и Љунберг е во игра, па ја искористи приликата јавно да го повика раководството на клубот да донесе одлука за менаџерот.

“Им реков дека треба да донесат одлука. Ние сме тука да помогнеме. Да дадеме се од себе, но одлуката треба да се донесе многу брзо за да ги имаме истите услови како и другите клубови” – рече Љунберг.

Арсенал после поразот од Сити се наоѓа на деветата позиција на табелата во ПЛ со вкупно освоени 22 бода од 17 натрпевари.