Јунајтед пресече и се предомисли во последен момент, па ја повлече жалбата

Манчестер Јунајтед ја повлече денес жалбата поднесена поради казната на Фил Џонс, што значи дека фудбалерот на „Ѓаволите“ ќе го пропушти престојниот меч од ЛШ против Базел.

Европската фудбалска унија го санкционираше Фил Џонс со два натпревари неиграње бидејќи во текот на финалето од ЛЕ вербално го нападна службеникот за борба против допингот. Џонс е казнет и парично со 5.000 евра.

Џонс веќе го одработи едниот меч суспензија, против Реал Мадрид во рамки на Суперкупот.

Натпреварот помеѓу Манчестер Јунајтед и Базел во првото коло од Групата А ќе биде одигран на 12. септември на „Олд Трафорд“. Во таа група се уште и ЦСКА Москва и Бенфика.