Јунајтед му нуди двојно повисока плата на Фернандеш

Англиските медиуми пренесуваат дека Манчестер Јунајтед спремил нов договор за Бруно Фернандеш и тоа со двојно поголема плата.

Раководството на „црвените ѓаволи“ е подготвено да му ја удвои платата на 26-годишниот Фернандеш, кој со новиот договор би заработувал 200.000 фунти неделно.

Причината за ваквата реакција на Јунајтед е интересот кон Фернандеш од страна на Барселона и Реал Мадрид, и намерата на „црвените ѓаволи“ да го задржат Португалецот во своите редови.

Фернандез дојде во Манчестер Јунајтед од Спортинг Лисабон во јануари минатата година за 55 милиони евра, и веднаш се етаблираше во клучен играч за „црвените ѓаволи“.