Јунајтед згреши, Ливерпул поправа: Клоп го краде од Мурињо поранешниот играч на Јунајтед?

Англиските гиганти водат голема битка за да го доведат одличниот дефанзивец.

Поранешниот дефанзивец на Манчестер Јунајтед и сегашниот дефанзивец на Барнли, Мајкл Кин е на чекор од реализација на трансферот на кариерата.

Како што пренесува „Мирор“, Ливерпул во моментов е во пол позиција за потпишување на 24-годишниот фудбалер на Барнли, иако Јунајтед се уште се обидува да го врати.

Кин потекнува од младинската школа на Манчестер Јунајтед, но не би имал ништо против да се пресели во Ливерпул. Mеѓутоа, условот е „црвените“ да обезбедат пласман во ЛШ следната сезона.

Жозе Мурињо го критикуваше Ван Гал поради продажбата на младиот Кин во Барнли, сега Португалецот сака да го врати, но цената не е толку мала бидејќи играчот се проценува на 25 милиони фунти.

Јирген Клоп во моментов е во подобра позиција, подготвен е да ја плати оваа сума, но мора да го исполни условот, а тоа е да обезбеди пласман во ЛШ следната сезона.