Јувентус спреми нови договори за две ѕвезди

Раководството на Јувентус спрема нови договори за неколку свои фудбалери, пренесуваат италијанските медиуми.

Први на менито ќе бидат Блас Матуиди и Хаун Квадрадо чии договори истекуваат на крајот на сезоната.

Интересно е што и двајцата беа ставени на трансфер листа ова лето, но останаа во клубот и се наметнаа во тимот на Маурицио Сари.

Во договорот на Матуиди има клаузула според која клубот може автоматски да му го продолжи договорот на уште една година, а двете страни дале „зелено светло“ за таа опција.

Од друга страна пак Квадрадо е ценет кај Сари бидејќи е поливалентен и може да игра на повеќе позиции. Па поради тоа раководството ќе му понуди договор на 1+1 година.