Јувентус не се предава: Спреми 150 милиони за уште посилен тим!

Јувентус и покрај поразот во финалето од Реал Мадрид, стана рекордер по заработка во една сезона од Лигата на шампиони.

Италијанскиот шампион од УЕФА заработи 109 милиони евра, па ова лето е спремен да потроши околу 150 милиони за добедување на нови пет фудбалери. Не станува збор за етаблирани светски ѕвезди, но „бјанконерите“ сметаат дека е неопходно подмладување на тимот.

Први трансфери на Јувентус ова лето би требало да бидат Патрик Шик од Сампдорија и Бернардески од Фиорентина. За 21-годишниот чешки напаѓач „бјанконерите“ ќе платат 25 милиони евра, колку мшто изнесува неговата клаузула. За него инетерс покажаа Милан, Интер, Арсенал и Тотенхем, но Јувентус ја одби битката за неговиот потпис.

За потписот на Бернардески Јувентус ќе мора да искешира 40 милиони евра, но треба да внимава на конкуренцијата бидејќи Интер е исто така спремен да ја плати таа сума, а „виолетовите“ не сакаат да соработуваат со „старата дама“.

Познато е дека Јувентус е блиску до голманот на Арсенал, Шчешни кој би требало следната сезона да биде резерва на Буфон, а потоа да стане прв голман на тимот од Торино.

На списокот се уште играчот за врска на Ливерпул, Емре Чан, како и дефанзивецот на Порто Фелипе.